بعد نجاحه في حفل لبنان.. الملحن محمد يحيى عن عمرو دياب: «بدياتي معاه من سنة 2002»
كتب: مؤمن نصر
حقق الهضبة عمرو دياب نجاحًا كبيرًا في حفل لبنان الذي أحياها أمس وتصدرت مواقع التواصل الاجتماعي ومنصات السوشيال ميديا لكونها الحفل الأهم في هذا الموسم وإشادات الجميع بها.
ونشر الملحن محمد يحيى صورة تجمعه مع الهضبة عمرو دياب الذي تعاون معه في معظم أغانيه وعلق قائلاً: «حفلة عمرو دياب في لبنان اسطورية وتشرف، ومهما هتكلم عن عمرو دياب مش هخلص كلام من بدياتي معاه من سنة 2002 لما صدق موهبتي وأنا عندي 21سنة».
وتابع: «كان داعم ليا نفسيًا مش هقولكم إحساسه إيه وتعبيرات وشه وفرحته لما بيسمع لحن حلو بيبقي طفل منساش ريحه الحبايب لما سمعها مني في الاستديو وكان ناقص ياخدني بالحض وأنا أصلا متردد وخايف اسمعها، لا متعجبوش وقعدت ادندنها جمبه بصوت واطي فجاه قالي ايه دي علي صوتك وسمعني موقف لن انساه وفي الاخر طار بيها، عشان مطولش عليكم نجاح عمرو دياب جاي من احساسه دايما انه معملش حاجه ودايما عنده طمع انه يكمل.. اخيرا البوست ده من قلبي في حب عمرو دياب الملهم والاخ والصديق».
وتعاون الملحن محمد يحيى في مشواره الغنائى مع عدد من النجوم منهم عمرو دياب ومحمد حماقى واليسا وجورج وسوف وراغب علامة وامال ماهر وتامر حسنى وبهاء سلطان وغيرهم.
