خالد محمود: «دعيت وصليت عشان الروحانيات تروح مني وربنا استجاب»
كتب: عزة عبد الحميد
كشف الفنان خالد محمود عن دعوته الله لكي يزيل عنه ما يملكه من روحانيات عالية كان يعاني منها بحيات.
وأشار خالد محمود خلال لقاءه ببرنامج "المسي"، المذاع عبر قناة "هي"، قائلاً :"الروحانيات دي قعدت معايا فترة من الزمن وقعدت تكبر وتزيد وتطور لحد ما خوفت وعلى طول افتكرت لو علمتم الغيب لاخترتم الواقع، هي كانت خاصة بالناس اللي قدامي علشان تبقي بس واضحة عند الناس لأن ممكن متبقاش واضحة للي معاشهاش".
وأضاف، محمود، قائلاً :"كنت مثلا لو قاعد معاكي متعرفيش تكدبي عليا وبتظهرلي الصورة الحقيقية اللي حصلت بالظبط، وأنا قاعد مثلا في البيت سرحان أبص الاقي حد منأصدقائي جاب حاجة أشوف شكل الحاجة اتصل بيه يقولي عرفت منين أقولوا مبروك وربنا يباركلك وخلاص".
واستكمل، قائلاً :"كنت لو إنتي بتكلمي وسرحتي أعرف بتفكري في أي ودي الحاجة اللي زعلان أنها راحت مني، إني أعرف الشخص اللي بيكدب عليا أو أعرف لو سرحتي إيه الحاجة اللي سرحتي فيها، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده".
وكانت آخر الأعمال التي شار بها خالد محمود هي مسلسل "نقل عام"، بالاشتراك مع محمود حميدة، سوسن بدر، سميحة أيوب، أحمد بدير، دينا، ميرهان حسين، محمد محمود عبد العزيز، محسن محيى الدين، إيمان أيوب، عابد عنانى، نهلة سلامة، نور خالد النبوى، هاجر الشرنوبى، أميرة أديب.
