زينة منصور تكشف سر شعرها البرتقالي في «هذا المساء»: أم عبير أيقونة الإغراء الشعبي

كشفت الفنانة زينة منصور عن كواليس تقديمها لشخصية «أم عبير» في مسلسل «هذا المساء»، مشيرة إلى أن الشخصية كانت مختلفة عن الأدوار التي اعتادت تقديمها، وتمكنت من تحقيق نجاح كبير وتركت بصمة واضحة لدى الجمهور.

زينة منصور تكشف كواليس شخصية أم عبير

وقالت زينة منصور خلال مقابلة تلفزيونية: «مش كل الشخصيات اللي أنا كنت بعملها في العادي، لكن أم عبير دي بهرتني، وبهرتني بنجاحها، كانت الفكرة حلوة وجديدة، والمسلسل نوع مختلف، والشخصية أصلاً كانت عليا مختلفة».

وأضافت: «لدرجة إني ضحيت بشعري، ورحت عملت شعري برتقالي علشان أبقى شبه الحالة وشبه الكراكتر وشبه الشخصية إلى الآن، شوفي عملت أدوار قد إيه، كل الناس ما زالت إلى الآن مركزة وفاكرة أم عبير».

وأوضحت زينة منصور أنها استوحت ملامح الشخصية من إحدى السيدات التي شاهدتها في الشارع، قائلة: «جبتها من الشارع، كان في ست كده عاملة شعرها البرتقالي ده، وست بتعمل كل حاجة في الخبث، وأهم حاجة عندها إنها تبسط نفسها، ومش مهم المجتمع ومش مهم الناس، يعني شبه ناس كتير».

زينة منصور: الناس بتحب أم عبير

وتابعت زينة منصور: «لكن طبعًا عملتها كانت منيلة بنيلة، يعني بوظت الدنيا، ورغم كده أم عبير دي ما اتكرهتش، الناس بتحبها حب سبحان الله، عملتها بحب شديد قوي، حبيتها قوي، وكنت بجتهد، الحمد لله، يعني كنت بجتهد».

واختتمت حديثها قائلة: «اتجلدت كتير، كل الناس يعني بتقول أم عبير دي أيقونة الإغراء الشعبي، معرفش إزاي، لكن هي كانت من الشخصيات الناجحة قوي اللي أنا عملتها واللي عملت لي بصمة».