أنغام: اختياراتي في الرجالة مدمرة حياتي ومش هارتبط تاني
كتب: عزة عبد الحميد
علقت المطربة أنغام، على علاقتها بالرجال في حياتها واختياراتها الزوجية، وذلك خلال حلولها ضيفة ببرنامج Abtalks، مع الإعلامي أنس بوخش، عبر اليوتيوب.
وقالت أنغام خلال اللقاء، «أنا أكيد اختياراتي في الرجالة غلط، أنا لا أملك المقاومات للاختيار الصحيح، وإقامة علاقة ناجحة، ومش هدخل علاقات تاني، ومن وجهة نظري الرجالة خاينين.. ولن يكتفوا بامرأة واحدة»
واستكملت أنغام، «أنا عانيت من الاكتئاب لسنين في حياتي ومعرفتش أخف منه، وحبي للحياة وبمساعدة ولادي عرفت أبقى كويسة»
واستطردت، «أنا لحد دلوقتي لسا بحاسب على الكلام اللي أبويا شوه بيه صورتي قدام الناس، ومش هرد على ده أنا معنديش القوة اللي تخليني أرد لا دلوقتي ولا بعدين»
وكانت أنغام أصدرت مؤخرا أغنية «سيبك أنت» من كلمات أمير طعيمة، وألحان وليد سعد، وتوزيع مادي، وميكس وماستر أمير محروس، وأخرج الفيديو كليب عادل جمال.
