بعد طلاق أحمد سعد.. رد فعل غير متوقع لسمية الخشاب

تصدرت أنباء طلاق المطرب أحمد سعد وزوجته مصممة الأزياء علياء البسيوني، الترندات على مواقع التواصل الاجتماعي، الأمر الذي جعل الجمهور ينتظر تعليق سمية الخشاب على هذا الموقف.

وظل الجمهور ينتظر تعليق سمية الخشاب ولكنها ظلت صامتة لم ترد على أنباء الطلاق، ولكن نشرت سمية منذ قليل مقطع فيديو لها من كليب «اركب على موجة وهعمل هوجة».

وجاءت التعليقات على الفيديو الذي نشرته كالتالي: «في انتظار تويتاتك ع الاكس تويتر سابقًا»، «لا لا لا مش دي سمسم اللي نعرفها احنا بنستناك يا سمية عايزين ابداع المرة دي» وغيرها.

وأعلنت مصممة الأزياء علياء بسيوني منذ قليل، عن طلاقهما بشكل رسمي، وكتبت قائلة :«الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابه إنه ينتهي».

وأضافت قائلة : «شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك».

وتابعت، قائلة : «أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وأنت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت».

حاعمل هوجااااااااااا#اركب_علي_الموجه pic.twitter.com/XHWuXdxcQX

— Somaya Elkhashab ???? (@somayaelkhashab) August 30, 2023