شيماء سيف: المايوه بقى بيتلبس في كل مكان مش على البحر بس.. والعري فاق الوصف

علقت الفنانة شيماء سيف على ما يتم ارتداءه من ملابس للفتيات خارج البحر في المدن الساحلية بالأونة الأخيرة.

ونقلت شيماء سيف، عبر حسابها بموقع التواصل الاجتماعي فيسبوك، منشور قالت من خلاله، "خلاص الصيف بيخلص لكن للأسف آثاره مكملة.... طول عمرنا بنطلع على البحر ونشوف اشكال والوان مايوهات ..لكن السنة دي العري فاق الوصف .. المايوه بقي يتلبس في كل مكان مش على البحر بس.. توب المايوه ( اللي في نظري جزء من الملابس الداخلية ودة اكثر وصف مؤدب اقدر اقوله) توب المايوه بقي اللبس الرسمي للبنات وفوقه كاش مايوه بيبين اكثر ما بيستر.".
واستكملت، "هي البنات دي ما لهاش اب او زوج او اخ قلبهم ياكلهم عليهم والدم يجري في عروقهم؟؟؟.. فين نخوة الرجالة.. فين حياء البنات.. والمصيبة ان كل الاعمار وكل الأحجام مش بتفرق.. الموضوع زاد اووووى تحت مظلة انه بلاش body shaming و كلام فاضى ، فين الحياء ؟؟ ال body ده المفروض نحافظ عليه مش نمتع غيرنا بيه.... الغلط غلط ولو كل الناس عملوه .. الغلط غلط ولو اصبح عادة الكل..
واستكملت، "حفضل اقول دة غلط حتى لوكنت لوحدي اللي بقوله".
العري مظهر من مظاهر التخلف الفكري واللي فاكر انه تحضر ماشي وراء القطيع بدون وعي.. فين الحياء والعفة والخجل والخصوصية؟؟؟ بالنسبة للى عنده اولاد  صغيرين و بيسالوا 'هى ليه البنت دى لابسة كده يا ماما' ؟ 
كل شئ بقي مباح كدة للناس كلها؟ ".

وانهت منشورها قائلة، "ربنا يستر علينا جميعاً و يهدي البنات و الاولاد و ويشوفوا الغلط غلط مهما كتر، ربنا أرنا الحق حق وارزقنا اتباعه وأرنا الباطل باطل وجنبنا اتباعه..منقوووول بس قال الى جوايا".