ريم طارق: مش هعتذر لحورية فرغلي
كتب: عزة عبد الحميد
كشفت ريم طارق الزوجة السابقة لمطرب المهرجانات حسن شاكوش، أنها لن تعتذر للفنانة حورية فرغلي عما بدر منها حين كشفت عن أول حرف ممن خانها زوجها معها.
وقالت ريم طارق خلال حلولها ضيفة ببرنامج، قعدة ستات، مع الإعلامية مروة صبري، "أنا مقولتش حاجة عشان اتراجع فيها ومش هعتذر، حورية فرغلي مش زعلانة مني لأني أنا مقولتش اسمها وأني قولت حرف بس، أنا مقولتش مين الشخصية اللي بتكلم عنها عشان أتراجع عن كلامي".
وأضافت ريم طارق، عن خيانة شاكوش لها، "أنا محاسبش ست، الشخص ده لو مكتفي بالبنت اللي اتجوزها مش هيبص لحد، لو حاسبتها أبسط حاجة هتقولي روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه".
View this post on Instagram
وكان سبب الأزمة ما قالته ريم طارق ببرنامج "90 دقيقة"، عن تعرضها للخيانة من حسن شاكوش، :" كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة".
