عن أغرب رسالة تلقتها.. رضوى الشربيني: شخص تمنى لي الإصابة بالسرطان

كشفت الإعلامية رضوى الشربيني، تفاصيل رسالة من أحد متابعيها تمنى لها الموت، وإصابتها بمرض خطير.

وقالت رضوى الشربيني في تصريحات لـ برنامج "إي تي بالعربي" عن أغرب رسالة تلقتها: في راجل دخل قالي ليه السرطان مبيجلكيش أنتي واللي زيك، أو أنتي وأشكالك وتموتي، بس أنا رديت عليه، ولكن حاجة غريبة جدًا أن حد يتمنالي الموت حتى لو بيكرهني".

كما علقت رضوى الشربيني، على أزمة طلاق المطرب أحمد سعد ومصممة الأزياء علياء بسيوني، مؤكدًا أنها تتمنى لهم الخير، مضيفة: أنا بدعم كل الستات وهي لو صاحبتي هدعمها، وأنا مهجمتش أحمد سعد، أحمد صديقي وعلاقتي بيه كويسة جدًا جدًا وأنا كنت بتكلم على الناس اللي بتنتقد علياء، وأنا متأكدة أن الخير جايلهم لأن أحمد وعلياء طيبين.

وعن الجدل حول أسما شريف منير، بعد حلاقة شعرها، قالت رضوى الشربيني: "أسما شريف منير حبيبتي وأنا بحبها وهي عارفه أنها قريبة من قلبي، وأنا قولت أنها معملتش حاجة غلط، وطالما مبتعملش حاجة تضر حد يبقى محدش له دعوة، وقولت للفنان شريف منير برافوا عليك لأن كل أب لازم يبقى داعم لابنته، ومعنديش الجرءاه أعمل زيها".