شقيق أنغام: أهلي واكلين حقي.. ومش هسكت حتى لو هيقتلوني زي غنوة

فجر الموسيقار خالد محمد علي سليمان، شقيق الفنانة أنغام، مفاجأة صادمة بشأن حقوقه المادية التي لم يحصل عليها من عائلته بسبب استلائهم عليها، موجها اتهاما صريحا لوالدة شقيقته الراحل غنوة بكونها السبب وراء وفاتها، مؤكدًا أنه يمتلك الدليل القاطع على قتلهم شقيقته غنوة.

وكتب شقيق أنغام عبر حسابه الشخصي بموقع التواصل الاجتماعي "فيسبوك": "أهلي وعيلتي واكلين حقي وبينكروه، وماجدة بتشحت من الناس وبتبتذنا بحجه أحمد وياسين، ماجدة السبب في موت غنوة وعندي الدليل القاطع، أسكت؟!".

وأضاف شقيق أنغام: أقسم بالله العظيم وحق جلال الله مفيش سكوت تاني، مفيش عنف، بس فيه قسوة للآخر، تدوني حقي أو اقتلوني زي ما قتلتوا غنوة بالظلم وبتقتلوا ياسين بالبطئ، ده انتوا عالم كفرة.

وتابع: "لو ضاع مستقبلي برضو مش هسكت، تحبسوني أو تسقعوني برضو مش هسكت، هسكت لما تقتلوني، لآخر نفس مش هسكت.. غالب ومغلوب".

وكانت قد كشفت أنغام، في تصريحات سابقة لها، عن أن أصعب اللحظات التي عاشتها كان موت شقيقتها الصغرى غنوة، قائلة: "الموقف كان قاسيا جدا، وماكنتش عايزة أصدق خالص لحد ما أنا غسلتها بإيدى وكنت عايزة أصحيها"

وتابعت: "رغم إننا ماكناش على علاقة كويسة ببعض بس ماكنتش أتخيل ده يحصل مش بحب أدافع عن نفسى ومش بحب أتكلم عن حد مش موجود بس اللى أقدر أقوله بمنتهى الأمانة عمرى ماكنت سبب إن غنوة تزعل منى أو يحصل بينا المشكلة".

وعن الخلاف بين أنغام وشقيقتها حكت قائلة: "دى كانت بنتى مش أختى الفرق بينا أكثر من 16 سنة لو عمرها طال شوية  كان ممكن الأمور تتغير وممكن كانت عذرتنى لكن ربنا أراد كده، هى ما عرفتش تعذرنى وهى كمان معذورة الله يرحمها لأنها ما لقتش اللى يحنن قلبها".

ووجهت رسالة إلى شقيقتها قائلة: "وحشتينى جدا، وحشتنى غنوة بنتى الصغيرة البنوتة اللى كنت بسرح ليها شعرها وأخدها فى حضنى وأقولها إن ياسين أحلى حاجة أنت سبتيها ليا فى الدنيا".

اقرأ أيضا: أحمد الفيشاوي ينشر صورًا لابنه من طليقته الألمانية احتفالا بتفوقه في الغوص