مرتضى منصور: «أنا عاوز الخطيب يتعامل مثليّ»| فيديو

عبر المستشار مرتضى منصور رئيس نادي الزمالك، عن حزنه الشديد لما يتم ترويجه مؤخرًا ضده بأنه تم القبض عليه.

وقال مرتضى منصور، خلال فيديو نشره عبر صفحته الشخصية بموقع «فيسبوك»: «أنا مواطن عادى مش فوق القانون، وعاوز الخطيب يتعامل زى ما بتعامل أنا، وكنت عامل فيديو وأنا غاضب، ولكن أصدقائي في النادي قالولي بلاش تنزله فغيرته».

وأضاف: «مش هاينفع الكلام اللي بيحصل معايا، كل يوم ألاقي 18 قضية من الخطيب و17 من العتال وغيرهم من ممدوح عباس، وما يفرقش معايا العدد، ولكن يفرق معايا هو القضايا دي صح ولا لا».

وتابع رئيس نادي الزمالك: «أنا ممكن أحرج الجميع، وأعمل مؤتمر صحفي، أعرض فيه حقيقة القضايا دي، علشان اللى بيحصل ده زايد عن حده».

وواصل: «أنا ما قولتش أني فوق القانون ولا الخطيب فوق القانون، وأنا مش فاضي عندنا تجديد عقود لاعبين وملف النادي النهري ونادي 6 أكتوبر».

واختتم رئيس الزمالك: «رجعت من المحكمة جبت فول وطعمية وفطرت، واتفرجت على ماتش الزمالك وبترو أتلتيكو، وبعدها نمت، وصحيت من النوم لاقيت كل الدنيا مقلوبة، مرتضى محبوس، لا دي قلة أدب وكفاية أوي كدا».