«حد بيقولي أصل دي مدرسة جديدة».. شوبير يفتح النار على موسيماني

شن الإعلامي أحمد شوبير هجوما عنيفا على بيتسو موسيماني، المدير الفني للفريق الأول لكرة القدم بالنادي الأهلي.

وقال شوبير في تصريحات تليفزيونية: "مش هغير كلامى ومش هبطل أقول اللى بيحصل في الأهلي غلط ومش مظبوط".

وأضاف: "الناس عملت برامج ترد عليا وأنا بردو مصمم ومش هغير كلامي، وأعتقد أنا بفهم شوية في الكورة وكنت بلعب زمان لو نسيتوا يعني".

وتابع: "حد بيقولي أصل دي مدرسة جديدة يا كابتن في التدريب، والله بحكم شغلي بتابع كل الدوريات ومسمعتش عن المدرسة الجديدة في التدريب دي غير في الأهلي".

وواصل: "أنا مش فاهم يعني إيه إجازة 8 أيام؟، إجازة طويلة جدًا، في لاعيبة كتير مش بتلعب ومعندهاش إجهاد".

واختتم: "يعنى إيه الفريق يرجع يوم 27 مارس وعنده مباراة يوم 2 أبريل، بجد إزاى حد يفهمنى؟".