انتصار: احنا متربين على سينما كلها قبلات

علقت الفنانة انتصار على أزمة تصريحاتها بشأن الأفلام الإباحية، موضحة أنها نشأت على سينما مليئة بالقبلات، وترفض مصطلح السينما النظيفة.

وقالت "انتصار": "أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، أم كلثوم غنت للقبلة كارهين القبلة ليه؟، إحنا متربين على سينما كلها قبلات".

وتابعت: "وماله المايوه موجود وبيتباع في الشارع، ليه عايزين تاخدوا تصريح على لساني تدينوا بيه المايوه؟، مانا بلبس المايوه انزل بي البحر مش مقاطعاه، حرام عليكم بيقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إي سينما نظيفة مغسولة يعني؟!".

إقرأ أيضًا: انتصار: التربية الجنسية في المدارس مهمة وحكيت لإبني كل حاجة من ابتدائي

وعن تصريحاتها بشأن الأفلام الإباحية، فأوضحت "انتصار": "كنت في البرنامج وبنعمل حلقة عن أسباب مشاهدة الفيديوهات الإباحية، فناس قالت بنصبر نفسنا، فأنا قلت الناس بتتفرج ليه؟!، كنت عايزة أجد أسباب، منها الفضول والمراهقة وأحيانا بيكون مرض، إجابة عادية، لكن مقولتش أنا بدعم الفرجة على الأفلام الإباحية".

واختتمت انتصار حديثها قائلة: "في زميلة على شمالي قالت تعليق انقح مني، وقعدت تشرح سابوا كلامها ومسكوا فيا، واحنا بنتقاضي أجر مقابل اللي بتقوله"، وجاء ذلك، خلال لقائها مع الإعلامي تامر شلتوت، في برنامج In Deep "في العمق".