أحمد فهيم: «نفسي أقدم دور السادات .. والناس قالت لي أنت مش بتقلده أنت شبهه»

تحدث الفنان أحمد فهيم، عن بداياته الفنية والصعوبات التي واجهها خلال مشواره الفني أثناء لقائه في برنامج «الستات ميعرفوش يكدبوا».

وعن المواقف الصعبة التي تعرض لها، قال فهيم: «مرة كنت بمثل فيلم ومهتم بيه ودخلت العرض الخاص ملقتش نفسي فيه وكان فيلم سينما كبير وخرجت من السينما فضلت ماشي لمدة كيلو وانا مقهور لغاية لما جالي تليفون من شخص قريب مني والحاجات دي كانت بتديني حافز علشان أكمل».

وعن الشخصية التي يتمنى تجسيدها، قال: «معنديش سقف لطموحي ونفسي أقدم دور الزعيم الراحل أنور السادات وكنت هعمله في مسلسل بس محصلش نصيب وحاسس أن هيجيلي الدور تاني، والناس لما شافوني قالولي أنت مش بتقلده أنت شبه أنور السادات».

وأضاف: «وأنا بستغرب الممثل اللي يقول أنا مش بحب اشوف نفسي والمخرج اللي هيسيب الممثل براحته دة هيخليه عنده خيال ودة مش هيحصل مع كل الممثلين».

وأختتم حديثه: «أنا شخص بسيط وبحارب وبكافح من زمان وربنا كافئني وفي وقت فراغي بتفرج على الناس وهتلاقيني في أماكن غريبة غير متوقعة ولو أنا قفلت عليا عربيتي وعزلت نفسي أنا كدة مش هعرف أمثل ولازم اكون موجود بين الناس».

ويشارك فهيم في بطولة مسلسل «شغل فنادق» برفقة الفنان عمرو يوسف والنجمة روبي، ومن إخراج محمد سامي ومن المقرر عرضه في رمضان 2024.

اقرأ أيضًا: إنجي خوري تفاجئ جمهورها بإرتداء الحجاب (صور)