دنيا عبد العزيز لـ«العاصمة»: «قلوبنا مع فلسطين.. عايزة أحط نفسي جوه الكرتونة وأروحلهم»

أعربت الفنانة دنيا عبد العزيز عن حزنها واستيائها الشديد إزاء الأحداث في غزة والقصف المتواصل من الإحتلال الإسرائيلي على المدنيين.

وقالت دنيا عبد العزيز، خلال لقائها مع العاصمة: «والله أي حاجة ممكن نقدمها بنقدمها حتى لو كانت بسيطة، ونفسي يرتاحوا، أو أحط نفسي جوه الكرتونة وأروحلهم، وبعيط لما بشوف المشاهد اللي بتحصل كده، وربنا ينصرهم».

وتابعت: إحنا مع أهل فلسطين، وقلبنا معاكم، وانتوا أبطال، وطول الوقت أبطال، حتى الأطفال، ومستحملين اللي مش بيقدروا أي حد يستحمله، الطفل اللي كان عمال يقول بابا واللي مقطعين واللي منفجرين، ومفيش منظر عادي أو طبيعي، وكل المناظر مرعبة وبتوجع، وهما ليهم الجنة أكيد.

وبالجدير بالذكر،أن حرص وفد كبير من النجوم والفنانين، على زيارة الهلال الأحمر المصري بمدينة نصر، يرأسه الدكتور أشرف زكي نقيب المهن التمثيلية وذلك من أجل المساندة والدعم للشعب الفلسطيني.

ومن الفنانين الذين حرصوا على الحضور كل من إلهام شاهين، وريهام عبدالغفور، وروجينا، ومحمد عبدالحافظ، وبسمة، ودنيا عبدالعزيز، وسلوي عثمان، وهشام عطوة، وعزوز عادل، ورحاب الجمل، وأميرة العايدي، وعلا غانم، ولبلبة، وآخرون.