حنان مطاوع عن مرضها: اتشخصت غلط واتشال ربع كيلو من رقبتي

كشفت الفنانة حنان مطاوع، عن تفاصيل حالتها الصحية، بعد ما تعرضت له من وعكة صحية خلال الفترة الأخيرة.

وقالت حنان مطاوع، خلال حلولها ضيفة ببرنامج "معكم مع منى الشاذلي": "حالتي اتشخصت حاجة خطيرة جدا، والمصيبة إن التشخيص مش من دكتور، والموضوع تضخم قبل ما نستشير الدكتور أو الجراح، ودخلنا في دوامة الوهم أنا وجوزي، واللي عملولي السونار دخلوني في وهم أكبر".

وأضافت: "كان بيجيلي ضيق تنفس ولما يجيلي دور برد صوتي يتشرخ ويرجع بعد 4 شهور، ورقبتي بقت عريضة جدا، واتشال منها حولي ربع كيلو، وقت تشخيص الحالة مكنتش شايفة غير بنتي أماليا وكنت مرتبكة جدا وأمير طلع من غرفة الكشف كلم كل الدكاترة في العيلة، وسألهم يعمل إيه ودخل عندي وشه لونه أزرق عرفت اني مش كويسة وأما نزلنا العربية انهار من العياط بصوت عالي زي وفضل يقول والله هتبقي كويسة وهتربي البنت".

وكانت آخر الأعمال التي شاركت بها حنان مطاوع هي مسلسل "صوت وصورة"، بالاشتراك مع وليد فواز وعدد من النجوم.