مرتضى منصور يهاجم محمد سلام: «بيتقال على بيومي فؤاد الخائن العميل بسببك أنت»

قرر المستشار مرتضى منصور، التعليق وطرح رأيه عن أزمة الفنان بيومي فؤاد والفنان محمد سلام، وذلك خلال فيديو ظهر خلاله عبر موقع الفيديوهات الشهير «تيك توك».

وقال مرتضى خلال الفيديو الذي نشره عبر «التيك توك»: «زي ما أنت يا محمد سلام عملت العقد وأخدت العربون في السر اعتذر في السر عشان احنا مش جايين نعمل منظر خالص».

واستكمل حديثه، قائلا: «وأنت كده أحرجت أي حد هيشتغل طب لو هيعمل مسرحية في مصر وهيضحك ولا هي القصة الرياض، طب لو هيشتغل في تونس، طب هيروح مهرجان جرش يبقي خاين وعشان كده زميلك بيومي فؤاد اللي أنا معرفوش شوف مكتوب عنه إيه الخاين العميل وكأنه هو اللي بيضرب أطفالنا بسببك أنت وأنت اللي عملت كده في زملائك».

وأضاف: «أنت عاوز تعتذر حقك والله العظيم وأنا لو مكانك هعتذر مش هروح بس لو جالك كوميدي هنا في مصر هتمثل لو مع أحمد مكي ولا هتقعد مش هتعمل كوميدي وهتبقى أمينة رزق».

ووجه مرتضى منصور في نهاية حديثه رسالة إلى محمد سلام، قائلا: «محمد أنت ممثل جميل وحذرت وقلت تصفية الحسابات، أنا مستاء من اللي بيحصل مع بيومي فؤاد مع إن بيومي ده أهلاوي وحمى وبيني وبينه يعني مش طايقه بس شايف واحد عمال يتهزق ويتهان مع أن الموضوع سهل جدًا وزي ما انت عملت العقد في السر وخدت العربون في السر ورقة صغيرة أنا بعتذر وشكرًا».

@mortadamansour.2

من وجهة نظري مش وقت تصفيه حسابات قصه محمد وبيومي فؤاد

♬ الصوت الأصلي - مرتضى منصور

وكان المستشار مرتضي منصور، أعلن عن دعمه ومساندته للشعب الفلسطيني بسبب ما يحدث له من انتهاكات وإبادة جماعية وتطهير عرقي من قبل الكيان الصهيوني.

اقرأ أيضًا: 3 قرارات جديدة لـ مصطفى كامل منها تأسيس معهد لدراسة الموسيقى والغناء