شيرين: مش هعمل عمليات تجميل في وشي.. مفيش أحلى من خلقة ربنا

كشفت الفنانة شيرين عن رأيها في إجراء عمليات تجميل في وجهها حتى تبدو أصغر سنًا من عمرها الحقيقي، منوهة أنها لا تفضل إجراء أي عملية في وجهها.

وقالت شيرين، خلال حلولها ضيفة ببرنامج "قعدة ستات"، برفقة الإعلامية مروة صبري، "أنا مهما عملت عشان أبقى حلوة أو أجمل في نفسي، مش ممكن أبدا هيوصل أي بشر أنه يكون أحسن من خلق ربنا".

وأضافت:"ممكن أجي أكبر خدودي شوية يقفلوا على عينيا، ممكن أجي أشد وشي حواجبي تترفع يبقى شكلي شيطاني، الخطوط في الوش دي العمر والسنين، كل واحد بيبقى عنده قناعة، أنا قناعتي بعيدة عن الموضوع ده".

واستكملت: "أنا مش هفضل شكلي زي زمان، ناس بتعتب عليا أن بقول سني الحقيقي طيب لو مقلتوش ما مسرحية "المتزوجون" متصورة من سنة 1979 يعني حاجة وأربعين سنة وأنا قدامهم بحسبة بسيطة جدا هيقولوا دي ست كدابة، وليه أكدب عشان إيه أنا راضية جدا".