بعد إعلانها إصابتها بالسرطان.. نجوى إبراهيم: «بكيت وحسيت إن غلط علشان نكدت عليكم»
كتب: نسرين إبراهيم
أعربت الفنانة والإعلامية نجوى إبراهيم، عن حزنها وسعادتها في آن واحد، حيث سيطرت عليها مشاعر مختلفة بعدما لمست محبة جمهورها لها وتلقيها العديد من الدعوات بسبب إصابتها بمرض السرطان، والذي اضطرت لإعلانه بعد مطالبة البعض لها بالاعتزال وانتقاد ظهورها في البرامج.
وقالت نجوى إبراهيم، في أحدث ظهور لها، من خلال برنامج "بيت العز" الذي تقدمه من خلال الإذاعة، حيث تم نشر مقطع من لقائها عبر حساب قناة "نجوم fm" على "إنستجرام": "الأسبوع اللي فات أنا حسيت إن أنا غلط جدا، أنا من النوع اللي مش شكاي يعني اللي أنا قولته مش شكوى كانت مشاركة، بس لما روحت قعدت يومين تلاته أبكي ليه؟ لقيت في ناس كتيرة جدا مليانة حب كمية دعوات جاتلي، دا أنا لو هيقطعوا إيدي بتهيألي مش هتتقطع من كتر الدعوات، يعني رب ضرة نافعة".
وأضافت: "لكن قعد أقول جلد الذات طبعا لأن ده طبيعة فيا وضميري على طول مستيقظ، إنه ليه أنكد عليكم ما كل واحد فيه إللي مكفيه، وليه أطلع أقول كده، طب ما الموضوع ده بقاله شهرين تلاته، أنا بجري فيه لوحدي ومعايا ولادي ومعايا عيلتي، وزي ما زعلت علشان نكدت عليكم فرحت إن أنا فضفضت، لأن أحلى حاجة الواحد يفضفض مع القريب منه واللي بيحبه، مع إني دايما أقول احذر الفضفضة وخاف من الخائن اللي هيسلحلك زي ما بتقوله".
واختتمت: "ممكن تسامحوني من غير تسامحوني من غير ما يكون عندكم ذرة شك في حبي واحترامي ليكم وإن كل واحد فيه اللي فيه، مش عايزة أقلبها عياط".
اقرأ أيضا: منى زكي أثناء تكريمها بمهرجان «ضيافة»: اتعلمت الإنسانية وفيه حاجة اتكسرت جوانا بعد أحداث غزة
View this post on Instagram
