ياسمين صبري: شخصيتي في الحقيقة عكس اللي بتظهر على السوشيال ميديا
كتب: نسرين إبراهيم
أكدت الفنانة ياسمين صبري، أن الشخصية التي يشهدها الجمهور عليها عبر السوشيال ميديا ليست شخصيتها الحقيقية، وأنها تميل في الحقيقة للحياة البسيطة.
وقالت ياسمين صبري،خلال جلستها الحوارية بمهرجان البحر الأحمر السينمائي الدولي: بكتشف حاجات كتير وطول ما الإنسان عايش لازم يطور من نفسه زي الآيفون كل شوية في تحديث، الإنسان لازم يعمل كده في نفسه علشان يعرف يواكب كل حاجة، ولازم تعمل تحديث نفسيًا لأن ممكن حد نجاحه يبقى أكبر من نفسيته.
وتابعت ياسمين صبري: من يومين كنت في أبو ظبي وكان حدث كبير وميديا وأضواء وناس، لما رجعت الأوتيل وأنا بغسل وشي قولت لنفسي يا ياسمين ده مش حقيقتي ده شغلي، قولت كده علشان الإنسان ميتجننش وميفتكرش أن هو محصلش وأن الكون كله بيلف حواليه.
وأضافت ياسمين صبري: أنا في الحقيقة إنسانة بسيطة جدًا وعادية وبيتوتية جدًا وهادية أوي، ولكن اللي بيظهر للناس دي شخصية الشغل ودي مش أنا.
اقرأ أيضا: «ابنتي القوية الصامدة».. شريهان توجه رسالة للناشطة عهد التميمي بعد الإفراج عنها
