بسمة بوسيل: بنتي عندها 10 سنين وعملت براند لنفسها

أكدت الفنانة المغربية بسمة بوسيل، طليقة الفنان تامر حسني، أنها تعمل طيلة الوقت على إشغال وقت أبنائها بأشياء مفيدة غير اللعب، وتعمل على تنمية مهارة التجارة بداخلهم.

وقالت بسمة بوسيل، في تصريحات تلفزيونية، عن أولادها: "أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها".

وأضافت بسمة بوسيل: "ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا".

وتابعت: "طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة".

اقرأ أيضا: محمود العسيلي: شيرين عبد الوهاب بتعافر عشان ترجع للقمة