عن موقفها من عمليات التجميل.. سوسن بدر: بحب الخطوط اللي في وشي

كشفت الفنانة سوسن بدر، عن رأيها في الخضوع لعمليات تجميل، مؤكدة أنها لا تحب تغيير شكلها وتحب كثيرا الخطوط الموجودة في وجهها.

وقالت سوسن بدر خلال لقائها مع الإعلامي معتز الدمرداش في برنامج "ضيفي" المذاع عبر قناة الشرق للأخبار: "أنا دلوقتي بقيت كده وزي ما الناس قبلتني زمان وحبوني، هيحبوني دلوقتي وأنا كده ويحبوني بعدين وأنا أكتر من كده، والخطوط اللي عندي في وشي أنا بحبها جدا، أحط حقنه في وشي ليه؟ أنا مش ضد ده كل واحد حر يعمل اللي يبسطه أنا اللي باسطني أني محافظة على حواديت عمري في وشي".

وتابعت سوسن بدر: "أنا مش هيتعرض عليا دور بنت في الجامعة ولا ثانوي هيجلي دور مناسب لسني وشكلي زي ما أنا كده واللي عايز يعمل يعمل، كل واحد يعمل اللي يبسطه".

سوسن بدر تشارك في "قلع الحجر"

يذكر أن سوسن بدر تستعد لخوض موسم دراما رمضان 2024 من خلال مشاركتها في بطولة مسلسل "قلع الحجر"، ويشارك في بطولته كل من سوسن بدر، منى عبد الغني، محمد رياض، عبد العزيز مخيون، يوسف إسماعيل، منة فضالي، والعمل إخراج حسني صالح.

وتدور قصة مسلسل "قلع الحجر" في إطار درامي تشويقي واجتماعي، ويتم تقديمه باللهجة الصعيدية، والعمل مستوحى من أحداث حقيقية، وتدور أحداثه في منطقتي "النوبة" و"قمولة" في صعيد مصر، ويتناول حقوق المرأة.

اقرأ أيضا: بعد رحيل الملحن بـ7 أشهر.. هيفاء وهبي تطرح أغنية «وصلتلها» على اليوتيوب