"روحي مشيت معاك".. زوجة العامري فاروق ترثيه بكلمات مؤثرة
كتب: محمد عبد الحارس
عبرت مي مسعود زوجة الراحل العامري فاروق، نائب رئيس الأهلي، عن حزنها الشديد لوفاة زوجها أمس الجمعة، عن عمر ناهز الـ54 عامًا.
رسالة زوجة العامري فاروق
وكتبت زوجة العامري عبر حسابها الرسمي على فيس بوك: من إمبارح مش قادرة أكتب وأقول إن زوجي وحبيبي وأبويا وكل حاجة في دنيتي خلاص مبقاش معانا في الدنيا دي.
وتابعت: عامري كان الضهر والسند لي ولأولاده وأخواته وأبوه وأمه وأصحابه وأي حد بيطلب منه حاجة، واللي شوفته إمبارح كان مظاهرة في حب العامري.
وواصلت: واحد أفنى حياته في حب الآخرين وخدمتهم وإسعادهم، بدون ما ينتظر مقابل، مفيش كلام هيواسينا كلنا على غيابه، بس في الآخر لا نملك غير الدعاء إننا نتحمل الفراق، إن ربنا يعنيا ويصبرنا كلنا.
واختتمت زوجة العامري فاروق: روحي مشيت معاك يا عامري ومش عارفة إزاي هستحمل إني مش هشوف ولا هسمع صوتك تاني، عزائي الوحيد إنك ارتاحت، وبقيت في مكان أفضل وأحسن من الدنيا دي، ومتغلاش على اللي خلقك.
وفاة العامري فاروق نائب رئيس النادي الأهلي
ورحل العامري فاروق نائب رئيس النادي الأهلي عن عالمنا عن عمر ناهز الـ 54 بعد معاناة طويلة مع المرض، دخل أحدى المستشفيات الخاصة منذ نوفمبر الماضي، بعد تعرضه لنزيف مفاجئ في المخ.
اقرأ أيضًا.. الأهلي يعلن الحداد 3 أيام على وفاة العامري فاروق
وزير الشباب والرياضة ينعي العامري فاروق نائب رئيس النادي الأهلي
