أحمد جوهر: أغلبية النجوم معندهمش عاطفة.. «هم صح وانا ندمان إني مش زيهم»

أكد المطرب أحمد جوهر، أن سبب من أسباب غيابه عن الساحة الفنية خلال الفترة الماضية، هو سبب عدم قبوله العمل مع أكثر من منتج، معربًا عن ندمه بخصوص هذا الأمر.

وقال «جوهر» في حواره مع الإعلامية إنجي هشام، في برنامج «المنسي»، المذاع عبر شاشة قناة «هي»: «أنا عندي انتماء شوية لـ شركة الإنتاج اللي أنا معاها، فلما سيبتها ومنتجين تانيين عرضوا علي شغل رفضت، وأغلبية النجوم لو ركزتي في تاريخهم هتلاقي إن الحياة عندهم مفيهاش عاطفة، وده صح مش غلط، وممكن تلاقي واحد مع أكتر من شركة، والمهم عنده إن السلم بتاعه بيعلى مراحل، وكل أصدقائنا وزملائنا في جيلي عملوا كده، وده صح وأنا بندم عليه».

وتابع: «موجود الحمد لله بين أصحابي وزملائي، وأي مناسبة سعيدة بنكون موجودين، ولكن الحفلات قليلة إلا لو في حد حابب أغاني من الجيل بتاعنا، وأنا لغاية فترة قريبة جدًا كانت فرقتي موجودة وبطلع أفراح وسفاريات برا مصر، وأنا كنت لسة في النمسا».

وعن آخر أعماله الفنية، فعلق أحمد جوهر قائلًا: «آخر أغنية ليا كانت في فيلم البيه رومانسي، ودي كانت هدية من حبيبي تامر حسني وهو حقيقي مش بيشتغل مع أي حد، وهو قليل أنه يلحن أو يكتب كلمات لحد، وهو عملهالي من حبه فيا».

برنامج «المنسي»، من تقديم الإعلامية إنجي هشام على شاشة قناة «هي»، ويُعرض يومي الخميس والجمعة من كل أسبوع في تمام الـ11 مساءً، ويحل عدد من نجوم الفن ضيوفًا على البرنامج، للحديث عن بداياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

اقرأ أيضا: عصام كاريكا: «محمد رمضان مؤدٍ.. ولا أتمنى العمل مع هيفاء وهبي»