زينة توجه نصيحة للفتيات: «أهدوا على نفسكم شوية بلاش لبس أوفر»

علقت الفنانة زينة، على الأزياء المبتذلة للفتيات، وذلك خلال لقائها في برنامج "الراديو بيضحك" على إذاعة 9090، مع الإعلامية فاطمة مصطفى.

وقالت زينة: "في ناس ممكن تلاقيهم لابسين لبس حلو أوي، يعني مثلا ممكن تشوفي واحدة لابسة فستان حلو أوي، بس تقوفي قدامه كده تقولي أه حلو بس أنا ما ينفعش ألبسه، أنا بلبس اللبس اللي ينفع تقولي ده ينفع ألبسه، وحتى لو لبست لبس قصير مش لازم يكون مفتوح وكده".

وأضافت: "أنا بس عايزة أقول للبنات أهدوا شوية، مش لازم يكون كل حاجة مكشوفة، لو طلعنا كل حاجة هتبقى كل حاجة رخيصة مش حلوة، يعني مثلا لو لبستي فستان طويل وله فاتحة لغاية الركبة هيبقى حلو أوي".

أحدث أعمال زينة

يذكر أن، أحدث أعمال زينة، هو فيلم "الإسكندراني" الذي يعرض حاليا بالسينمات، ويمثل عودة جديدة للمخرج خالد يوسف، للسينما بعد فترة توقف، والفيلم قصة أسامة أنور عكاشة، ويضم عدد كبير من النجوم.

إقرأ أيضاً: عبير صبري عن أحدث ظهور لها مع شقيقتها: "أنا والعسل"