آمال ماهر: «انتوا بتستهبلوا وزودتوها وبتجروا ورا أي إشاعة

تحدثت الفنانة آمال ماهر عن الشائعات التي أثيرت حولها، من خلال برنامج "الحكاية"، مع الإعلامي عمرو أديب.

وعلقت آمال ماهر على هذه الشائعات، قائلة: "أنا بخير، والحمدلله على محبة الناس.. أنا لما طلعت في فيديو دقيقتين قالوا مش هي، ومش في بيتها".

وأضافت آمال ماهر خلال لقائها ببرنامج "الحكاية"، مع الإعلامي عمرو أديب: "أنا اتخضيت من كتر الناس القريبين اللي بيكلموني، وبكلمهم وأرد عليهم ومش مصدقين إني أنا بكلمهم، بكلم قرايبي وأصحابي بيقولوا لا ابعتيلنا صوتك، قلت لا انتو بتستهبلوا وزودتوها".

وأكملت ماهر: "كنت أمشي، أقولهم والله ما في حاجة، كنت بروح الجيم، ولما تعبت وبطلت اتأكدوا قالوا لا خلاص دي مخطوفة وفيها حاجة، لا مفيش أي حاجة".

وواصلت آمال: "بحس إن بالفطرة كده، الناس بتجري ورا أى إشاعة، والمرة الجاية لو فيه حاجة هسيب فيديو احتياطي"

واستكملت: "أنا غنيت وقالوا لا مش هي برضو، قالوا دي دوبلير، ولغاية برضو وأنا قاعدة معاك يقولوا مش أنا، أو حاجة قديمة".

أخر أعمال آمال ماهر

ومن آخر أعمال الفنانة آمال ماهر بعد أزمتها الأخيرة أغنية “ كسبتوا الرهان” والتي حققت نجاحًا ساحقًا فور نزولها وحتي الآن مازالت تحقق نجاحًا كبيرًا.