بعد اتهامه بالسرقة.. ملحن أغنية «كدابة»: قلة أدب وهاخد حقي بالقانون

رغم مرور ساعات على طرحها، إلا أن أغنية «كدابة» التي يعود بها الفنان حسام حبيب للمنافسة الغنائية بعد فترة طويلة من الغياب، أحدثت ضجة واسعة ليس فقط بكلماتها التي اعتبرها البعض موجهة لطليقته النجمة شيرين عبدالوهاب، ولكن بخروج المنتج والموزع محمد شفيق، موجها اتهامات لملحن الأغنية والموزع الموسيقي إسلام رفعت، باقتباسها من أغنية قدمها مؤخرا مطرب صاعد يدعى محمود عز من إنتاج شفيق.

الاتهام دفع ملحن الأغنية إسلام رفعت، للرد على الاتهامات التي طالته، حيث نشر فيديوهات يثبت بها أنه هو صاحب اللحن الأصلي للأغنية التي قدمها حسام حبيب مؤخرا، مشيرا إلى أنه تم سرقة موسيقاه، وكتب عبر حسابه بموقع "فيسبوك": "انا مكنتش هرد، بس مضطر ارد لأن اللي بيحصل دة قلة أدب وتطاول، لسه جايلي تليفون دلوقت من صديق لي بيقول اني في حد كاتب بوست اني واخد لحن أغنية حسام حبيب من أغنية لمغني أنا اعرفه معرفة شخصية، واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني".

ملحن أغنية "كدابة": "أنا اللي مسروق بالمللي"

وأضاف: "أولا مستحيل مستحيل مستحيل، انا اللي بقول انه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه، بس انا هخليها تصيب معاه انه يتشهر بأنه غير امين و معندوش ضمير نهائي".

وتابع: "كل الناس عارفيني كويس وعارفين شخصيتي اني عمري ما اعمل حاجه "بالخسة دي" او بالسذاجة دي!! اني اخد حاجه إبداعية في اكتر حاجه بحبها و هي الموسيقي من حد او اقتبس جملة من هنا أو من هنا والحمدلله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا وانا لحنت الكلام وعملت شكل ليها وبعتناها لاكتر من مطرب من ضمنهم حسام و بالفعل كانت من نصيبة و الأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو انا مصورة بأيدي من الكمبيوتر بتاعي متوثق فية تاريخ الأغنية و صوتي في الديمو".

واستكمل: "الموزع شفيق كاتب ان اغنيتهم نازلة يوم ١٨/ ١، وحسام حبيب منزل خبر اغنية كدابة من يوم ٨/ ١ تقريبا ف اللي هو ازاي يعني!!! وأي حد يقدر يعمل سيرش علي جوجل ويتأكد من صحة كلامي".

واختتم: "آخر حاجه عايز اقولها اني معايا كل ما يثبت ان اللحن بتاعي من مستندات واني هتخذ كل الإجراءات القانونية مع أي حد جاب سيرتي او اتكلم عليا بشكل مسئ وحاول ينط وعايز يتشهر".

اقرأ أيضا: «قارئة تاروت» و«مدرسة تاريخ» و«يوتيوبر» و«طبيب».. أبرز وظائف النجوم في مسلسلات رمضان 2024