بيومي فؤاد: «بدعي ربنا في صلاتي يكفيني شر قعدة البيت»
كتب: شروق خالد
روى الفنان بيومي فؤاد، رحلته الفنية الطويلة والشاقة التي استمرت لسنوات عديدة، كما كشف عن حياته قبل الشهرة.
وقال "فؤاد": "الشغل نعمة ربنا لا يحرمها من حد.. أنا بدعي في صلاتي بقول يارب اكفيني قعدة البيت، لأن قعدة البيت وحشة رغم إن كل الناس تتمنها، لكن في ناس كتير جدا محدش بيتمناها".
وأضاف: "الرجالة لما بتتقاعد وتطلع على المعاش حالهم بيتقلب ويصابوا بالاكتئاب، خصوصًا الناس اللي كانوا متميزين في مكانهم وليهم بصمة".
وعن حياته قبل الشهرة، استطرد: "من قبل الشهرة والناس تعرفني كنت بشتغل مسرحيات وأعمال فنية زمان وكنت راضي بحالي، لكن كنت اقعد مع زمايلي الممثلين ألاقيهم بيتكلموا على فلان داخل مسلسل وواحد تاني راح أوديشن عشان يمثل، وأنا بسمع الكلام ده وكأني أنا بعيد عنه".
واختتم بيومي فؤاد حديثه قائلًا: "أنا لغاية دلوقتي ممكن أروح أعمل أودشين وري كاستينج في الإعلانات، وسمعت إن نور الشريف وأحمد بدير عملوا كاستينج على فيلم المصير مع يوسف شاهين".
وجاء ذلك، خلال لقائه ببرنامج "صاحبة السعادة"، والذي تقدمه الفنانة والإعلامية إسعاد يونس"، على فضائية "مساء دي ام سي".
جدير بالذكر أن، بيومي فؤاد عُرض له مؤخرًا في دور العرض السينمائي عدد من الأفلام، بينها: الحريفة، التجربة المكسيكية.
