انتصار السيسي لـ سيدات مصر: الست المصرية قدرت تتخطى الظروف الاقتصادية والقادم أفضل

وجهت السيدة انتصار  السيسي، قرينة الرئيس عبد الفتاح السيسي رئيس الجمهورية، رسالة لـ سيدات مصر خلال احتفالية "المرأة المصرية.. أيقونة النجاح"، 

كلمة السيدة انتصار السيسي

وخلال الاحتفالية، قالت السيدة انتصار السيسي، قرينة رئيس الجمهورية: "اسمحولي اتكلم كلمتين من القلب، إحنا السيدات معروف عننا مشاعرنا فياضة، وعارفة إنكم تعبتم أوي، في الفترة الماضية، والتحديات كانت أصعب، لان الظروف اللي مرينا بيها كانت صعبة لكن النتيجة كانت مبهرة".

وتابعت: "السيدات أثبتوا إنهم قادرين على التحدي، لأن كل سيدة في بيتها هي اللي تديره وهي اللي تقدر تخلي البيت جنة أو غير ذلك".

وأشارت: "الست المصرية قدرت تتخطى الصعوبات بنجاح، خصوصا أنها قدرت تتحدى الحالة الاقتصادية الصعبة اللي مرينا بيها .. الأمل في بكرة والأيام القادمة أفضل وأحسن".

وأضافت: "عظيمات مصر عمرهم ما بينتهوا موجودين في كل عصر وكل وقت، قاعدين قدامي كلهم سعيدة بهم، دائما مع بعض في كل خير وكل سنة وأنتم طيبين جميعا".

وأكدت انتصار السيسي، أن مصر لديها إدارة سياسية واعية بدور المرأة، مشيرة إلى أن هناك دور كبير على الفتيات في صنع جيل مصري قادر على التحدي.