ريهام سعيد: «محمد رمضان مظلمش الطيار أشرف أبو اليسر ولا عمره ظلم حد»

كشفت الفنانة والإعلامية ريهام سعيد عن كواليس علاقتها بالنجم محمد رمضان مؤكدة أنه شخص رائع ووقف بجانبها وقت شدتها ولم يظلم الطيار أشرف أبو اليسر.

وأوضحت "سعيد" بقولها: "رفعت سماعة التليفون على كذا حد قولتلهم أنا عايزة اشتغل معاكوا، وكلهم ردوا كويس".

وتابعت: "بس من أجدع الفنانين كان محمد رمضان، توقعت إنه ميردش عليا لكن كل مرة بيرد على رسائلي ومكالماتي".

وفاجئت "سعيد"، بعرض تسجيل صوتي للفنان محمد رمضان على الهواء بعد أن طلبت أن تشاركه في أحد أعماله، موضحة: "متزعلش مني دا مش تسريب لكن أنا عايزه أوري الناس، اللي بيقولوا أنك ظلمت الطيار، وأنت مظلمتش حد"، مؤكدة: "أنا متأكدة أنه مظلمش الطيار ومش عايز يدفعله فلوس والكلام ده مش حقيقي".

وجاء في التسجيل الصوتي رسالة محمد رمضان لـ ريهام سعيد بقوله: "أنتي تشرفي أي حد تشتغلي معاه واللي ميوافقش هو اللي خسرك في العمل"، وجاء ذلك خلال استضافتها مع الإعلامية راغدة شلهوب، ببرنامج "سابع سما"، المُذاع عبر فضائية "النهار".