مسلسل يترك فسادًا في المجتمع.. هجوم جديد على «فاتن أمل حربي»

أثار مسلسل «فاتن أمل حربي»، للفنانة نيللي كريم، حالة من الجدل الشديد، وخاصة من الرجال والمطلقين ممن رأوا مطالبات تغيير قانون الأحوال الشخصية أنها ليست في صالح النساء، وفي غير محلها. 

وهاجم أحمد عز المتحدث باسم «رابطة الآباء المتضررين من قانون الأحوال الشخصية» مسلسل «فاتن أمل حربي» للكاتب إبراهيم عيسى، ومطالبات تغيير قانون الأحوال الشخصية التي يطرحها المسلسل.

وعبر حسابه الشخصي على «فيسبوك» كتب «عز»: «طول ما الإعلام ماشي في اتجاه واحد، يبقى إحنا غلط.. نيللي كريم بتستخدم السوشيال ميديا عشان تعلي مشاهدات المسلسل بتاعها، هي وزملاءها بغض النظر عن ما يتركه هذا العمل في المجتمع من فساد».

مطالب بتغيير قانون الأحوال الشخصية لإنصاف «الرجال».

ولم يكن هجوم «رابطة الآباء المتضررين من قانون الأحوال الشخصية» على مسلسل «فاتن أمل حربي» هو الأول، إذ كتب عدة متابعين للعمل عن أن «فيه آباء بيقعدوا ساعتين في حديقة أومركز عشان يقدروا يشوفوا ولادهم وفقا لقانون الرؤية».

وكتبت متابعة: «بمناسبة فاتن أمل حربي زي ما في ستات في الحالة ديه في ستات قادرة بتاخد عيالها كارت ضغط على الأب عشان تاخد فلوسه وشقته وكل ما يملك عشان يشوف الأطفال برة ساعتين الرؤية وبتهدده بالقضايا اللي بترفعها عليه..ده غير القايمة اللي بتستلمها منه في الشارع بالحرف ولو في حاجة هي كسرتها بتاخد تعويض عليها انا اعرف واحدة مانعة عيالها سنتين يشوفوا ابوهم وحافظة في القانون مبتروحش مرتين رؤية وبتروح التالتة عشان ميتحسبش عليها غياب تكراري..زي ما في ستات شقيانة وطالع عينها في ستات حافظة القانون وبتخلف عشان تاخد من اللي متجوزاه اكبر قدر من المصلحة والفلوس».

وعلقت أخرى: «اعملوا قوانين للست تحمي حقوقها ويكون في سرعة في الأحكام عشان في ستات بتتبهدل، واعملوا قوانين للراجل عشان ظلم انه يشوف عياله ساعتين في الأسبوع في نادي واوقات بيتمنع منهم كمان بألاعيب محامين، وخلينا نفتكر زي ما في ستات جوزها سيف الدندراوي.. في ستات واهلها سيف الدندراوي بذات نفسه».

يذكر أن مسلسل «فاتن أمل حربي»، يشارك في بطولته نخبة من الفنانين هم شريف سلامة، هالة صدقي، محمد الشرنوبي، محمد ثروت، خالد سرحان، كما أن المسلسل من تأليف الكاتب إبراهيم عيسي وإخراج محمد العدل.