غادة عبد الرازق تكشف سر جمال شعرها

كشفت النجمة غادة عبد الرازق، للجمهور عن وصفتها السحرية للحفاظ على جمالها ورشاقتها طوال الوقت.

وأوضحت "عبد الرازق" بقولها: "أولا باستخدام الكثير من الكريمات للوجه والشعر، وبروح لدكتور باستمرار، ولازم أخس، وبلعب رياضة، الكابتن بتاعي بيجيلي 4 مرات في الأسبوع".

وتابعت: "أنا شبه مباكلش، رغم أني بحب الأكل موت، وأنا فيا عادة سيئة أن الأكل مش بيحلالي غير قبل النوم، وكمان الحلويات، ودي طبعا مصيبة سودة، ولكن بحاول أعمل كنترول دايما على نفسي".

وعن وصفتها السرية للحفاظ على جمالها، قالت بخفة ظل: "الكلام ده بفلوس بس هقوله.. "مياه الأرز" السر يعني أولا تحطي الرز في ميه، وتسبيه يتنقع ساعتين تلاتة، وبعدين تاخدي ميه الرز تحطي عليها زيت زيتون، وبعدين تحطيها على شعرك، وكمان تاخدي شوية منهم قليلين تحطيهم على وشك".

واختتمت "عبد الرازق" بقولها: "الوصفة دي بتمنع سقوط الشعر وبتغذيه جدا، وللبشرة بتنقيها وتشدها"، وجاء ذلك خلال استضافتها مع الإعلامية ياسمين عز في برنامج "كلام الناس" عبر قناة "mbc مصر".

وعُرض للفنانة غادة عبدالرازق في السباق الرمضاني الماضي مسلسل "لحم غزال"، وهو من بطولة: شريف سلامة، عمرو عبد الجليل، شريف الدسوقي، يوسف وائل نور، عارفة عبد الرسول، مي سليم، رحاب الجمل.