سعاد صالح: من حق الخاطب يشوف شعر ووش اللي هيخطبها حتى ولو منتقبة
كتب: مؤمن نصر
علقت الدكتورة سعاد صالح أستاذ الفقه المقارن بجامعة الأزهر على فتوى رؤية الخاطب لخطبته قائلة: "الخطبة مجرد وعد للزواج وليس زواج واختلف الفقهاء فيما يرى الخاطب من مخطوبته، لأن حديث الرسول عليه الصلاة والسلام جاء عامًا قال أنظر إليها مقالوش أنظر إلى كذا فإنه أحرى أن يؤدم بينكما، والبعض قال ينظر إلى الوجه والكفين قياسا على يظهر منها أثناء الصلاة، وقال أحد الحنابلة ينظر على ما يظهر منها أثناء قيامها ببعض الأعمال المنزلية بهذا النص".
وتابعت "صالح" خلال استضافتها ببرنامج "أسرار" مع الإعلامية أميرة بدر المذاع على قناة النهار: "الناس قالوا سعاد صالح قالت ينظر وهي عريانة ازاي يعني، لكن من حقه يشوف شعرها ووشها حتى ولو منتقبة وبقولها وأنا مصرة عليها، من حقه يعاين والزواج حياة لازم يشوف، وفي صحابي قال تزوجت من امرأة وكنت اختبئ منها حتى دعاني احد لا تقدم لها، وقال انه عجبه شئ فيها فتزوج منها، ومش كل ما هو موجود في الفقه الواحد يقوله، عشان فيه حاجات تفتح باب الفتنة، زي مذهب ابن حزم الظاهري مفتوح شوية ومفيهوش اجتهاد، فبيقولوا أنظر إليها وهي عريانة، لكن عندنا مذهب جمهور ومذهب واحد أمام الجمهور فا بناخد بمذهب الجمهور".
وعن فتوى إرضاع الكبير التي أثارت الجدل قالت: "في حديث عن السيدة عائشة رضي الله عنها عشان هي مخلفتش أما كانت تحب حد يدخل عليها من أولاد أختها او أخوها كانت تخلي حد من القرايب يرضع عشان لما يدخل يبقى قريبها في الرضاعة لكن الفتوى كانت للأطفال".
واختتمت حديثها قائلة: "إزاي شحط يعمل كده واللي قال كده اتحول للتحقيق وقلت أن فيه اختلاف في الرأي وحتى ماتراجعش في قوله واتحول لمجلس تأديب وقالوله ترضى مراتك ترضع حد غريب وفتوى مش موجودة والحديث بيقول كده و رواه مسلم للاسف، وبيقول فيما معناه كانت السيدة عايشة إذا أرادت أن يدخل عليها أحد امرته أن يذهب لزوجة أخيها عشان في معناه لما يدخل عليها يبقى قريبها في الرضاعة وده بعتبره نوع من كشف العورة اللي بيؤدي للفواحش في المجتمع وإن اللذين يحبون أن تشيع الفاحشة اللذين امنوا لهم عذاب اليم في الدنيا والاخرة والله يعلم وأنتم لا تعلمون وفيه حاجات أكتر من كده بس مبتطلعش ويجب تجديد الخطاب الديني".
اقرأ أيضاً: الدكتورة سعاد صالح: درست في جامعة الأزهر بدون حجاب
