ياسر جلال يكشف سبب حريق لوكيشن مسلسل «جودر»

كشف الفنان ياسر جلال، عن سبب حريق لوكيشن مسلسل "جودر" أثناء التصوير، وذلك بعد عرض الحلقات الأولى من المسلسل في النصف الثاني من رمضان الجاري.

وتابع "جلال": "الحريقة اللي حصلت في الاستديو، كان المفروض إن في فرن كان أستاذ إسلام عايز يعمل مشهد العيش بيطلع طازة من الفرن علشان المصداقية، وإحنا لما بنولع شامعة بيكون معانا الدفاع المدني والناس اللي المفروض تقولنا إيه الأصول".

واختتم حديثه: "وقبل يعمل ده عمل استشار الناس فسمحوا له، وولعوا الفرن البلدي ده علشان يتم فيه عمل العيش، راحت النار ماسكة في الفرن نفسه مكنش معزول، وحرق الجزء اللي احنا كنا فيه، وأخد وقت على ما تم السيطرة عليه.. والحمد لله إن الحريق لم يطول باقي الديكور.. وكان جزء بسيط".

وجاء ذلك، خلال استضافته في برنامج "الراديو بيضحك" الذي تقدمه الإعلامية فاطمة مصطفى عبر الراديو 9090.

أبطال مسلسل "جودر"

يذكر أن، ياسر جلال يعرض له في موسم رمضان الحالي مسلسل "جودر ألف ليلة وليلة"، المكون من 15 حلقة، وهو مستوحى من حكايات ألف ليلة وليلة، والعمل بطولة ياسر جلال، نور، ياسمين رئيس، أحمد فتحى، هنادى مهنا، وفاء عامر، عبد العزيز مخيون، علي صبحي، وليد فواز، ياسر الطوبجي، أحمد كشك، عايدة رياض، جيهان الشماشرجي، محمود البزاوى، مجدي فكري، وتأليف أنور عبد المغيث، وإخراج إسلام خيرى، وإنتاج المتحدة وأروما استديوز للمنتج تامر مرتضى وميديا هب.

اقرأ أيضا: سعد الصغير يحتفل بعيد ميلاد زوجته: حبيبتي وعشرة السنين والكفاح