بالفيديو.. أحمد فلوكس يهاجم أشرف زكي: «حواراتك مش هتأكل معايا وهفضحك قدام الناس»

هاجم الفنان أحمد فلوكس، الدكتور أشرف زكي، نقيب الممثلين، بعد مقاضته مبلغ مقابل ظهوره في حلقة ببرنامج تلفزيوني.

ونشر فلوكس مقطع فيديو، عبر حسابه الرسمي بموقع التواصل الاجتماعي "فيسبوك"، وظهر فلوكس خلال مقطع الفيديو منفعلًا وقال: «أشرف زكي بيكلمني دلوقتي وبيقولي أنت قولت إن أنا مرتشي صح، لا أنا مقولتش انك مرتشي عشان عارف أنت عاوز تعمل أيه، وطبعا بقى تطلع تعمل النمرتين بتوعك والتحقيق في النقابة، (...)».

وأضاف: «أنا مقولتش أنك مرتشي أنا قولت انك روحت حلقة وقبضت تمن مرواحك عشان تطلع تقول الكلمتين دول ولا انت طلعت الحلقة لله، من الأخر فكك من حواراتك عشان حواراتك مش هتأكل معايا، هزعلك وهعريك وهفضحك قدام الناس، وهكشف حواراتك وهخلي شكلك (...)».

وتابع، «اتقي الله، وقوم أتحرك كنقيب بدل ما تعملي فيها مطبلاتي أو بتاع السبع ورقات، عشان ده مش هيأكل معايا، أتحرك وهات حق الناس وهات حقي، أنت سامع ولا مش سامع يا أشرف يا زكي».