ياسمين عز: محمد صلاح كان هيجيب واحد صاحبه محتاج شغل يدرب المنتخب

قالت الإعلامية ياسمين عز، تعليقا على حلاقة قائد منتخب مصر ونجم ليفربول الإنجليزي محمد صلاح لشعره قبل مباراة مصر وبوركينا فاسو ضمن تصفيات كأس العالم: أول لما نجيب سيرة حسام حسن ومحمد صلاح، نفتكر خناقات توم وجيري.

وأضافت ياسمين، خلال برنامجها «كلام الناس»، عبر فضائية «mbc مصر»: صلاح كان عاوز يمشي كابتن حسام حسن، ويجيب واحد صاحبه بيدور على شغل يدرب المنتخب، وغيروا من الكلام اللي ملوش أي معنى، في الآخر خد الكلام بحركة واحدة، وهي حلاقة شعره.

وتابعت: محمد صلاح حلق شعره حتى تتقارب الجماجم فكريًا مع المدير الفني للمنتخب حسام حسن، وعلشان يمنع أي حواجز بينه وبين كابتن حسام حسن، أكيد لما الجماجم تتلاقى ده هيكون في صالح المنتخب.

وأكملت: في دراسة بتقول إن أصحاب الشعر الخفيف وأصحاب الشعر التقيل بيكون فيه بينهم عكوسات، فصلاح قرب المسافات علشان يكون هو وكابتن حسام على درجة فهم واحدة، وفي النهاية البقاء للأصلع.