منة شلبي تشتري أضحية باسم نور الشريف.. وابنته سارة ترد: الحلوة من جوه قبل بره

شاركت سارة نور الشريف، متابعيها صورة من صك أضحية أرسلته لها النجمة منة شلبي باسم والدها الراحل النجم نور الشريف.

وعلقت سارة نور الشريف على شراء منة شلبي لصك أضحية لوالدها، كاتبة عبر حسابها بموقع التواصل الاجتماعي فيسبوك: "الحلوة منة شلبي، كلمتني من فترة صغيرة وقالتلي إنها حلمت بپاپي حبيبي الله يرحمه، وقالت لي إنها بإذن الله هتروح الحج وتتصدق لپاپي هناك، والحلوة من جوه قبل بره وفيت اللي قالت عليه".

وتابعت: ومن يومين لقيتها بعتالي الصورة، صك أضحية لپاپي، وكانت مفاجأة جميلة منها، وفي نفس الليلة روحت لبيت پاپي القديم في السيدة زينب و قولتله على اللي عملتيه يا منة، حبيبتي مش عارفة أقولك إيه لأنه مفيش كلام يوصف إحساسي باللي إنتي عملتيه

ربنا يكرمك ويسعدك دايماً ويطمن قلبك يا طيبة يا حلوة، بحبك جداً

وردت عليها منة شلبي كاتبة: "سوسي صديقه الطفوله وحبيبه القلب وبنت الغاليين اتاثرت اوي ده كتير والله مفيش بينا كده ابدا الف رحمه ونور علي انكل حبيبي".

يذكر أن الفنان نور الشريف، رحل عن عالمنا في 11 أغسطس عام 2015، عن عمر ناهز 69 عاما، بعدما أثرى تاريخ الفن العربي بأعمال فنية تجاوزت الـ250 عملا فنيا، بين السينما والمسرح والدراما التلفزيونية والإذاعية.

اقرأ أيضا: بعد شائعات ارتباطها.. والد حلا شيحة: «في ناس عايزنها تكتئب وتعقد في البيت»