ميرنا جميل: قولت لشيكو أنا وأمك أكتر اتنين محظوظين في الدنيا
كتب: سماح غنيم
تحدثت الفنانة ميرنا جميل، عن كواليس مسلسلها "اللعبة" بأجزائه، بطولة الفنان شيكو وآخرين، قائلة: "أنا وشيكو كنا بنعمل مشهد وقولتله جملة عارف مين أكتر اتنين محظوظين في الدنيا؟ أنا وأمك، فضلنا نضحك ودخلنا في نوبة ضحك وعيدنا المشهد 70 مرة، والمسلسل بقى زي العيلة، ومتحمسة للجزء الخامس عشان هيكون فيه ضحك كتير".
وأضافت ميرنا جميل، خلال تصريحات إذاعية: بفتخر إن بيتقال عليا ممثلة كوميدية، وإن ممثلين كوميديين كبار بقوا بيطلبوني في الأدوار عشان أكون قدامهم وأساعدهم يخرجوا الضحك أسهل، وفي مسلسل البيت بيتي، بحب شخصية أحلام جدا لأنها عكسي تماما وكانت تحدي وشكلها وطريقتها مختلفة تماما.
وتابعت: كان نفسي أعمل دور نوسة في فيلم اللمبي، اللي قدمته حلا شيحة، وذاكرت قواعد كرة القدم عشان أعرف أتفرج على الماتشات وأنا فاهمة.
