أيمن نور الدين يكتب: لهذا.. عاد أحمد رفعت للحياة 

كان ممكن أحمد رفعت يموت من أربع شهور لما وقع فى الملعب وعضلة القلب توقفت تماما وفضلوا حوالى ساعتين يحاولوا  يرجعوه للحياة 
الطبيعى كان يموت وقتها لكن حصلت المعجزة 
و لحكمة ربنا  وحده اللى عارفها  ..  اتردت  فيه الروح من  تانى عشان تلف الأيام وييجى من كام يوم بس  يكشف المستور ويبان الظلم والقهر وتتقلب الدنيا رأسا على عقب 

لكن دى فرصة سانحة لأولى الأمر فى بلدنا انهم ينوروا ظلمة  معنوية  بنعيشها فى الوسط الرياضى اللى ريحته فاحت أوى ويكشفوا ما فيه من فساد  وتخاذل وخنوع من خلال عمل تحقيق مستقل ..  تحقق و يسئل فيها جميع الأطراف على حد سواء دون اتهام مسبق لأى طرف من الأطراف 

فليكن موت أحمد رفعت بمثابة الشرر اللى انطلق كى نعيد صياغة المنظومة الرياضية على أسس وقوانين عادلة وإنسانية 
وبكده أحمد رفعت مش حيكون  مات هدر
او يومين ويتنسى 
 ولكنه حيكون مات عشان يخدم وطنه خدمة جليلة 
رحمه الله 
احمد رفعت مرجعش للحياة الكام شهر دول من غير فايدة 
 لأ ده رجع عشان  يخلينا نعرف اللى ماكناش نعرفه 
 
 أهل الكهف  لما ناموا اكتر من 300 سنة  صحيوا قالوا كلمة الحق وماتوا بعدها على طول من تانى