عمرو أديب: ميكونش محمد صلاح هيخلص ليفربول ويجي الأهلي أصل ده اللي ناقص
كتب: سماح غنيم
علق الإعلامي عمرو أديب، على تصريحات محمد صلاح، نجم ليفربول ومنتخب مصر بشأن نهاية تعاقده مع ليفربول الموسم الحالي، قائلا: «ميكونش محمد صلاح هيخلص ليفربول ويجي الأهلي أصل ده هو اللي ناقص وشوبير كل يوم قاعد يعد لنا واحد وراء واحد».
وأضاف عمرو أديب خلال برنامجه «الحكاية» المذاع على قناة «إم بي سي مصر»: «طيب هو صلاح يعني لو مشي من ليفربول أين يذهب؟ هو ده السؤال المطروح حاليا بعد إعلانه اليوم بأنه يستمتع بموسمه الأخير مع الريدز».
وتابع: من الناحية التسويقية والترويجية صعب إن ليفربول يحسبها إن محمد صلاح تقدم في السن ومنجددش له عقده بعد موسمه الأخير، ومحمد صلاح ده راجل دماغ ومخطط عظيم مش مجرد لاعب كرة لإنه بيقول قعدت فترة الإجازة أتأمل حياتي وما سيكون في المستقبل.
وأكمل: النهاردة يوم مصر محمد صلاح وعمر مرموش ومصطفى محمد ومحمد عبدالمنعم، اللي يشو جون مصطفى محمد عالمي وعمر مرموش نفس الشئ ومحمد عبدالمنعم والمشاركة وفوز فريقه برباعية وعظمة صلاح مع ليفربول امام اليونايتد.. يوم عظيم لكل المصريين في الدوريات العالمية.
