ميسرة عن تقديم أدوار «الإغراء»: «مفيش مشكلة أعمل الأدوار دي لكن المهم الصياغة والورق»

كشفت الفنانة ميسرة عن شروطها في تقديم أدوار الإغراء، موضحة أنها لا ترفض تقديمها لكن ما يهمها هو السيناريو والدور.

ميسرة تكشف عن شروطها لـ تقديم أدوار الإغراء

وقالت ميسرة: "الدور اللي بيحكم لو جالي ورق بمستوى "عباس الأبيض" أو "السفارة في العمارة" ممكن يتقال أني معملتش أدوار كبيرة في السينما أه بس سايبة علامات في حاجات ممكن تضحك الناس ودا علاج نفسي جميل يا إما تكون أدوار ليها معنى وساعتها هعملها".

وتابعت ميسرة، خلال لقائها في برنامج "الستات" مع سهير جودة عبر قناة "النهار": "جالي دور بطولة في فيلم برضو إغراء بس ابتذال رفضته، كان ممكن يدخلني في مكانه تانية".

وأكملت ميسرة: "أنا مش رافضة المبدأ لكن طريقة الصياغة والورق بيودي على فين، مش هطلع مثلا أنها رقاصة وتتشهر والرجالة تجري وراها كده البنات هتبقى عايزة تقلدها، لازم نشوف مصيرها إيه".

آخر أعمال ميسرة

يذكر أن آخر أعمال ميسرة كان مسلسل "سره الباتع" في رمضان 2023.

وتدور أحداث سره الباتع حول شخصية حامد، التي كانت لها بطولات روت عنها الأجيال منذ عصر الحملة الفرنسية على مصر، وتم بناء أكثر من مقام له في العديد من القرى، ويحاول شاب يحمل اسمه في الزمن الحاضر معرفة لغز السلطان حامد، خاصة وأن مقام السلطان كان له تأثير كبير على حياته، وأحداث المسلسل في حقبتين زمنيتين مختلفتين، إحداهما في العصر الحالي، والأخرى إبان الحملة الفرنسية على مصر في نهاية القرن الثامن عشر.

مسلسل "سره الباتع"، بطولة أحمد السعدني، خالد الصاوي، حسين فهمي، هالة صدقي، أحمد عبد العزيز، أحمد فهمي، ريم مصطفى، هدى المفتي، حنان مطاوع، شريف حافظ، أشرف زكي، شريف الدسوقي، كريم فهمي، بيومي فؤاد، عمرو عبد الجليل، صلاح عبد الله، محمود قابيل، ميدو عادل، خالد أنور، خالد سرحان، منة فضالي، نجلاء بدر، أحمد وفيق، مأخوذ عن قصة قصيرة للأديب الراحل يوسف إدريس، تأليف وإخراج خالد يوسف.