شريف نور الدين: محمود حميدة ساهم في تكوين ثقافتي السينمائية أنا وجيلي
كتب: متابعات
أكد الإعلامي شريف نور الدين، أن الفنان محمود حميدة ساهم بشكل رئيسي في تكوين ثقافته السينمائية هو وجيله.
شريف نور الدين: محمود حميدة ساهم في تكوين ثقافتي
وكتب "نور الدين" عبر حسابه على "إنستجرام": "بعيدا عن أن الراجل ده من الممثلين الي حببوني في السينما من كتر ما كان فعلا jeune premier.. واختياراته المهمة والمختلفة وشغله مع أهم مخرجين السينما المصرية أمثال يوسف شاهين، خيري بشارة وأسامة فوزي".
وأضاف: "ده غير أنه دعمه واسمه كان سبب رئيسي في خروج فيلم (بحب السيما) للنور، الفيلم اللي بقى عنوان لحياتي وكمان برنامجي الإذاعي (بحب السيما)، بس كمان الراجل ده ساهم بشكل رئيسي في تكوين ثقافتي أنا وجيلي السينمائية من خلال كيان مهم اسمه مجلة (الفن السابع)".
وأشار: "كانت موجودة في سنوات مفصلية في تاريخ السينما المصرية، وصرف عليها من جيبه، وحقيقي مكنش مضطر لأنه كان في عز تألقه ونجاحه، لكنه عمل كده عشان هو حقيقي حب المجال ده والفن ده".
وأردف: "النهاردة قرر أنه يدعم مشروع أرشيف الفنانين واللي في غاية الأهمية عشان تاريخنا وتاريخ صناع الفن المصري ميروحش بلا رجعه.. اللي مقعدش وسمع من أستاذ حميدة فايتوا كتير أوي".
View this post on Instagram
