«مادة إعلامية دسمة».. رامى جمال يعلق على أزمة ويجز ورامي صبري

علق الفنان رامي جمال، على أزمة ويجز ورامي صبري، بعد تصريحات الأخير بشأن مطربي الراب.

مادة إعلامية دسمة

وقال الفنان رامي جمال، إنه لا يحب أن يكون رقمًا في الفن ولا يُحب المقارنات بل يرغب في أن يحقق الجميع مزيدا من النجاحات، مشيرا إلى أنه خلال الفترة الحالية من يتحدث بسوء عن الآخر يصبح مادة إعلامية دسمة.

وكتب رامي جمال، عبر خاصية القصص القصيرة على حسابه الرسمي بموقع تبادل الصور والفيديوهات "إنستجرام": "أنا محبش أكون رقم في الفن أنا أحب أكون رامي جمال، وأحب أكون علامة بعد ما أقرر أبطل أو أزهق أو عمري يخلص، ومبحبش المقارنات ولا عاوزها، وعايز كل الناس ناجحين؛ دي مش مثالية لكن ثقة إن رزقي هو رزقي سواء نجحتوا أو لا، مفيش حد بياخد حاجة من رزق حد".

وأضاف: "الفن رصيد وجايز مكونش وصلت لسه للي بحلم بيه، بس أشكر ربي على كل اللي وصلتله، ولسه عشمان فيه أكثر ويشكر كل حد ساعدني بحب أو فن.. بشكر الصناع والشركات اللي اشتغلت معاهم".

رامي جمال:الدنيا صعبة فسهلوها على بعض

كما توجه باعتذار لكن من ضايقه بقصد أو بدون قصد، قائلا: "من أي شخص أنا زعلته أو ضايقته بقصد أو غير قصد.. أنا إنسان وممكن أكون غلطت وبغلط المهم وربنا العالم إن قلبي مفيهوش غير حب للناس اللي قربية واللي وبعيدة".

وأوضح أنه يتعرض لكثير من الإحباطات، مضيفا: "بتعرض كثير لإحباط بس دايما ثقتي في ربنا وحظي ورزقي في حب من اللي حواليا وستر كبير بيخلوني أرجع واتشحن طاقة تاني، بحاول قد ما أقدر لي أجتهد وأجاهد نفسي إني أعمل سيرة حلوة عشان ده اللي باقي".

وأردف: "بس المشكلة إن الفترة اللي إحنا عايشينها دي أما بتتكلم وحش عن حد کده بتبقی مادة إعلامیة دسمة، وده عمري ما هعملوا ".