«محتاجين نفتح مخنا شوية».. أميرة بدر تدافع عن رجل الأعمال محمد فاروق (فيديو)

دافعت الإعلامية أميرة بدر، عن رجل الأعمال محمد فاروق الذي أثار الجدل، خلال الأيام الماضية، بعد مطالبته بزيادة ساعات العمل في مصر إلى 12 ساعة يوميًا مدة 6 أيام في الأسبوع، معتبرًا أن هذا هو السبيل لتحقيق النجاح.

أميرة بدر: محمد فاروق رجل أعمال ناجح

ووصفت أميرة بدر، رجل الأعمال  محمد فاروق بـ«الناجح»، موضحة: «حط تحت ناجح دي مليون خط».

وأضافت «بدر»، خلال برنامجها «خلاصة الكلام» المُذاع عبر قناة «النهار»: «هو شايف أنه جزء من التقدم دلوقتي، وعلشان البلد دي والأمة دي تتقدم أن أحنا نضغط على نفسنا ونشتغل أكتر، وبعدين هو ماقلش لك هيجي على أجرك، ما الصين كدة والأجر بيبقى زيادة واللي بيشتغل الأوفر تايم بياخد زيادة»، لافتة إلى أنها دائمًا ما كانت تجتمع مع شخص يطمح لبدء مشروع جديد، كان دائمًا ما يجد مشاكل في العمالة.

أميرة بدر: «مش لازم كل واحد يبقى معاه شهادة»

وتابعت بدر: «لما السوريين جم مصر لقيناهم ناس شغيلة وبيشتغلوا طول اليوم وناجحين والمنتج بتاعهم قوي، لكن أحنا عندنا هنا كتير قوي عايز الشهادة يشتغل بيها، مش كل حد لازم يبقى معاه شهادة أصلا، أحنا محتاجين لأعمال تانية كمان، يعني في الدول المتقدمة اتنين بياخدوا شهادة الجامعة وكل الناس بتتعلم لغاية ما تخلص التعليم المدرسي بس لغاية الثانوية، والاتنين دول يا العبقري يا الغني، غير كدة بيشتغلوا شغلانة تانية بالساعة وبيكسبوا كتير جدًا».

وذكرت بدر: «مش كل حد لازم يبقى معاه شهادة وفي الآخر مايعرفش يشتغل بيها، اشتغل اللي أنت تعرف تعمله وبتحبه، محتاجين نفتح مخنا شوية».