مرتضى منصور: دليل براءة عمر زهران في جيبي وجوز شاليمار هو اللي سرقها

وصل المستشار مرتضى منصور دفاع المخرج عمر زهران لحضور جلسة محاكمته بتهمة سرقة مجوهرات شاليمار الشربتلي اليوم الثلاثاء.

وقال مرتضى منصور للصحفيين فور وصوله للمحكمة: دليل براءة عمر زهران في جيبي هو مجرد شاهد وجوزها هو اللي سرقها، كتبته إيصال قيمته 16 مليون جنيه واديته لعمر زهران يشيله معاه كده يبقى أمين ولا حرامي.

وأضاف: وهو لو حرامي مش كان باع الإيصال لخالد يوسف، لكن هو محل ثقة عندها أكثر منها، نسيت لما جابت دكتور يعمل تقرير مزور إن المخدرات اللي اتمسك بيها جوزها خالد يوسف في المطار علاج ليها لأنها تعبانة في دماغها.

وتابع: شاليمار قالت للراحل وائل الإبراشي انتوا فاكرين في سياح هيجولكم البلد دي.. وأنا بقولها البلد دي خيرها عليكي.