فيدرا تهاجم منتقدي محبي الحيوانات: "مستكترين عليهم الحب ليه.. سيبوا الناس في حالها فيها اللي مكفيها"

خرجت الفنانة فيدرا عن صمتها للرد على الأشخاص الذين يسخرون من البعض بسبب اهتمامهم الزائد بحيواناتهم الأليفة، وعرض مكافآت مالية للعثور على كلابهم أو قططهم الضائعة.

وأعربت فيدرا عن استيائها الشديد خلال فيديو لها نشرته عبر حسابها على "إنستجرام" قائلة إنتوا بتعملوا كده ليه؟، الكلاب والقطط تمثل جزءاً من العائلة بالنسبة لكثير من الأشخاص، مشيرة إلى أن العلاقة بين الإنسان وحيوانه الأليف تتجاوز مجرد امتلاك حيوان، لتصبح علاقة قائمة على الحب والرعاية".

وأضافت قائلة: "الموضوع مش بس كلاب وقطط ولكنه موضوع حب كائن حي، بتتريقوا ليه على الناس علشان بتعرض مكافآت مالية، مستكترين على الناس تحب حب صادق، ومستكترين على اللي عندهم فوس يعرضوا فلوس، الناس فيها اللي مكفيها اللي عنده فلوس أو معندهوش"، مؤكدة أن الحب الصادق للحيوانات يعكس رقي المشاعر الإنسانية ولا يجب أن يكون موضع استهزاء أو استغراب.

كما وجهت فيدرا رسالة للمستهزئين قائلة: "ليه مستكترين على الناس تحب الحيوانات حب صادق؟.. الفلوس دي اتخلقت علشان نرحم بيها بعض، انتوا بتتصدروا في حاجات غريبة سيبوا الناس في حالها فيها اللي مكفيها".

وتابعت فيدرا الفيديو، بتعليق قالت فيه: "بتتريقوا على ايه؟ ده النازحين المتهجرين من بيوتهم شايلين قططهم و كلابهم زي عيالهم،ازاي الناس مش فاهمه لحد دلوقتي ان الحب ده مالوش ثمن… مش بالكيلو.. كل واحد له سعه، الفقير، الغني، المتهجر.. بنشيل اللي بنحبهم في عينينا".