طارق الجنايني: كزبرة موهبة فذة وعنده قبول غير عادي
كتب: نسرين إبراهيم
أشاد المنتج طارق الجنايني، بموهبة الفنان أحمد بحر الشهير بـ كزبرة، موضحا مميزات العمل معه وذلك بعدما تعاونا في فيلم "الحريفة" بجزئيه الأول والثاني، وتعاقده معه على فيلم "أوڤر سايز" وهو أول بطولة مطلقة لكزبرة.
قال "الجنايني" في لقاء مع عرب وود: "كزبرة راجل شاطر جدا وعنده ولاء للشغل وبيشتغل على نفسه كويس جدا".
وأضاف: "موهبة فذة، عنده قبول من الناس مش عادي، فنوع المواهب دي إما بتشتغل على نفسها كويس وتركز في اختياراتها يا إما بتروح مع مواهب ظهرت قبل كده وللأسف اختارت غلط ومكملتش".
وتابع: "كزبرة واعي أوي هو فين وعايز يروح فين ودي من اكتر الحاجات اللي محمساني للشغل معاه".
آخر أفلام كزبرة
يذكر أن آخر أفلام كزبرة، مشاركته في فيلم "الحريفة 2" تحت اسم "الريمونتادا"، الفيلم من بطولة: نور النبوي، وكزبرة، وأحمد غزي، وعبد الرحمن محمد، وسليم الترك، وخالد الذهبي، تأليف إياد صالح، وإخراج كريم سعد.
"الحريفة" حقق نجاحًا كبيرًا على صعيد الإيرادات وحققت نجاحًا كبيرًا على المستوى النقدي، وتدور أحداث الجزء الأول من الفيلم في إطار تشويقي اجتماعي حول شخصية "ماجد"، وهو شاب يعشق كرة القدم، ويتعرض والده لأزمات في حياته فيقرر نقله لمدرسة حكومية أخرى، ليتلقى خلالها بعوالم جديدة عليه، وتبدأ رحلته في الانضمام لفريق كرة القدم بأحد مراكز الشباب، ويكون صداقات جديدة ويحقق نجاحات في لعبته المفضلة.
View this post on Instagram
