موعد ومكان عزاء السيناريست الكبير بشير الديك

توفي صباح اليوم السيناريست الكبير بشير الديك عن عمر يناهز 80 سنة بعد صراع مع المرض، ودخوله الرعاية المركزة، وتدهور حالته فيها.

ومن المقرر تشييع جنازته بوتدهور مسقط رأسه بقرية الخياطة بدمياط بعد وصول جثمان، على أن يقام العزاء يوم الخميس المقبل بمسجد الشرطة بالشيخ زايد.

هذا وقد تصدر اسم بشير الديك مواقع التواصل الاجتماعي في الفترة الماضية، وذلك بعد إعلان ابنته عن تدهور حالته الصحية، ودخوله الرعاية المركزة في أحد المستشفيات.

وكتبت ابنة بشير الديك في منشورها عبر حسابها الرسمي بموقع التواصل الاجتماعي:"صباح الخير جميعًا.. للأسف بابا دخل تاني الرعاية في مستشفى.. والمرة دي الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تاني".

وأضافت دينا بشير الديك:"المشكلة التانية إنه بقى لا قادر يمضغ الأكل ولا يبلعه… ده غير إنه كان جعان على غير العادة؛ لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد".

وتابعت:"ازاي دي رعاية ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها «لو مش قادرين على مصاريف المستشفى روحوا مستشفى تانية»..هل دا رد محترم لدكتور رعاية في مستشفى معروفة بتميزها في الرعاية؟؟ الصراحة مش دا اول دكتور رعاية هناك يكون بالجليطة دي".

واختتمت: "وللأمانة الوحيدين المهذبين هناك دكتور صافي مديرة الرعاية ودكتور أحمد سامي دكتور الرعاية.. وللأسف مش موجودين طول الوقت..أن شاء الله نخرج منها على خير ونروح مستشفى تانية في اسرع وقت، برجاء الدعاء لبابا انه يقوم بالسلامة ويخرج من النفق المظلم اللي هو فيه دا..آمين".