ياسمين عز للزوجات في رأس السنة: "إلبسي أحمر واصبغي شعرك أحمر.. نبيلة عبيد مش أشطر منك"

وجهت المذيعة ياسمين عز، نصائح خاصة بالعام الجديد للسيدات من متابعات برنامجها "كلام الناس" عبر قناة MBC مصر.

وقالت ياسمين عز خلال تقديمها البرنامج: "وفي بداية السنة الجديدة عايزاكي تفوقي معايا، وفعلي خاصية محور الكون".

وأضافت: "قومي في السنة الجديدة البسي روبك الأحمر أبو ريش، وحطي روجك النبيتي أو العنابي أو البرجندي أو الطوبي أيهما أقرب".

وتابعت: "قومي اصبغي للراجل شعرك أحمر ماهوجني زي مدام نبيلة عبيد، نبيلة عبيد مش أشطر منك يا مدام، قومي أيتها المرأة الصهباء نعمل أي منظر في السنة الجديدة. أيتها الصهباء ذات الشعر الأحمر والرداء الدفاية، قومي اعملي لجوزك سحلب وفشار وكريب بالموز والنوتيلا، ولو معندكيش نوتيلا خدى حتة من جوزك مصدر النوتيلا والكاكاو الخام".

وأكملت: "عيالك سلاحف النينجا نيميهم من بدري، مش عايزين يناموا اشحنيهم عند مامتك يباتوا عندها، ولو عندك سجادة حمرا حطيها لجوزك وهو راجع من الشغل في مدخل الباب زي الريد كاربت، آسر ياسين مش أحلى من جوزك يا مدام".