سمية الخشاب: أنا كويسة من غير جواز.. وصعب الأيام دي ألاقي راجل بجد
كتب: نسرين إبراهيم
تحدثت الفنانة سمية الخشاب، عن الزواج وعن زيجاتها السابقة وعن إذا كانت تفكر في تكرار الزواج مرة أخرى، خلال حلولها ضيفة على برنامج "كتير هالقد" عبر قناة MTV اللبنانية.
وقالت سمية: "أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام، أنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا".
أضافت: أنا نفسي مفيش في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل".
وتابعت: "أنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في يدها ومعتقدش إني هعمل كدا".
جديد سمية الخشاب
من ناحية آخرى، انتهت سمية الخشاب من تصوير فيلم "التاروت"، الذي يشاركها بطولته رانيا يوسف، ناهد السباعي ، ومحمد عز، ومن تأليف معتز المفتي، وإخراج إبرام نشأت.
