سليمان عيد يروي كواليس لقائه الأول مع سمير غانم: «مكنتش مصدق أني شوفته»

قال الفنان سليمان عيد، إن بدايته كانت في مسرح كلية تجارة جامعة القاهرة، من خلال مسرحية «جمهورية فرحات» تأليف دكتور يوسف إدريس، وإخراج وائل زكريا.

وأضاف سليمان عيد، خلال حواره لبرنامج «ع اللوكيشن» مع شريف الليثي على راديو هيتس: «في تانية جامعة عملت مسرحية (أيضا كلام فارغ) مع شاكر خضير وطلب مني أروحله مسرح (باب اللوق) علشان يستفيد من الإفيهات بتاعتي ومكنتش مصدق إني هشوف سمير غانم».

وتابع: «شاكر خضير من أكتر الناس اللي دعمتني و خلاني أشوف سمير غانم، وبحس إن الضحك الإفيهات علاج للناس».

وواصل: «عملت أكتر من 98 فيلم، و250 مسلسل و115 مسرحية، أما أول نقطة تحول في حياتي كان فيلم (جاءنا البيان التالي)، والنقلة الثانية في حياتي كانت في فيلم (عسكر في المعسكر)، وعملت 40 مشهد في فيلم (جواز بقرار جمهوري)».

واختتم: «بالنسبة لأول فرصة في حياتي كانت في فيلم (الطريق إلي إيلات) وضحيت بمسرحية (جوز ولوز) علشان الفيلم و في النهاية دوري اتشال».